Oft er velt fyrir sér hverjar eru líkurnar á að fá krabbamein og nú hefur
Krabbameinsfélag Íslands kynnt reiknivél til að einstaklingar sem greinst hafa með
krabbamein í blöðruhálsi geti reiknað út áhættuflokk krabbameinsins.
Krabbamein í blöðruhálsi er algengasta krabbamein hjá íslenskum körlum en
mismunandi hve það vex hratt – þá hvort það vaxi og komist “út fyrir”
blöðruháskirtilinn eða vaxi mjög hægt, sem er oftast raunin.
Á vefsíðu Krabbameinsfélags íslands segir að áhættuflokkar séu reiknaðir út frá PSA-
gildum og Gleason-stigum en meðferð svo ákveðin út frá áhættuflokki og heilsufari
en hver áhættuflokkur er með mismunandi horfur. Því meiri upplýsingar sem karlar
er hafa greinst hafa því betri möguleika hafa þeir á að taka meðvitaðar ákvarðanir um
sína meðferð.
Hvað tölur eru settar í reiknivélina?
Upplýsingar um PSA-gildi og Gleason-stig varða útbreiðslu krabbameins og ættu þær
upplýsingar að vera þeim greindu tiltækar. Læknar ættu að vera klárir með
mælikvarðann T, N og M sem segir til um æxli (Tumour), eitla (Nodes) og meinvörp
(Metastases). Þessar upplýsingar eru síðan settar inn í reiknivélina og geta þeir
greindu séð hvaða áhættuflokki þeir tilheyra. Þegar svo niðurstöður úr reiknivélinni
liggja fyrir er hægt að velja á stiku til vinstri viðeigandi áhættuflokk – alvarleika
krabbans – og skoða upplýsingar eins og fyrstu meðferð og eftirfylgni.
Verkefnið er í samvinnu Rannsókna- og skráningaseturs Krabbameinsfélags Íslands og
þvagfæraskurðlækna Landspítalans en nánari upplýsingar er eflaust hægt að fá hjá
sérfræðingum Krabbameinsfélags Íslands.