Hlutverkið hjá Krabbameinsfélaginu Framför - hvert get ég leitað

Krabbameinsfélagið Framför, félag karla með krabbamein í blöðruhálskirtli og aðstandenda, var stofnað þann 12. febrúar 2007. Tilgangur félagsins er að styðja karla með krabbamein í blöðruhálskirtli, maka þeirra og aðstandendur.

Krabbameinsfélagið Framför starfar á landsvísu sem sjálfstætt stuðnings- og áhugamannafélag og er aðildarfélag í Krabbameinsfélagi Íslands og í samstarfi við Ljósið endurhæfingarmiðstöð (einn stjórnarmaður kemur frá þeim).

 Megin verkefni félagsins eru: ​

• Að ljá körlum með krabbamein í blöðruhálskirtli rödd í almennri umræðu og tala þeirra máli við yfirvöld.

• Að gefa út fræðsluefni um krabbamein í blöðruhálskirtli og fylgikvilla þess, bæði fyrir sjúklingana sjálfa og fyrir aðstandendur.

• Stuðla að betri lífsgæðum hjá körlum sem greinast með krabbamein í blöðruhálskirtli og þeirra aðstandendum.

• Að skipuleggja fjölbreytt félagsstarf fyrir karla með krabbamein í blöðruhálskirtli og þeirra aðstandendur.

• Halda uppi fræðslu um krabbamein í blöðruhálskirtli, við greiningu og eftir meðferðir.

• Vinna að því að styrkja heilsugæslu, stuðla að forvörnum og efla snemmgreiningu á krabbameini í blöðruhálskirtli.

Hvernig er það svo gert?

• Vefsíður – www.framfor.is og www.framforiheilsu.is – mjög mikið af upplýsingum.

• Samningur við þvagfæraskurðlækna – vinna með þeim að öllum vinklum.

• Bæklingar – Almennt um krabbamein í blöðruhálsi – Næstu skref – Spurningar við greiningu.

• Hellirinn – Samfélagsmiðstöð, þar sem karlar hittast, ræða málin og læra hver af öðrum með reynslusögum og fleiru.

Verkefni hjá Framför:

• Jafningjastuðningur – í síma eða hitting.

• Tengiliðakerfi – nöfn fyrir nýgreinda

• Framför í heilsu - stuðningsumhverfi við greiningu á krabbameini í blöðruhálskirtli www.framforiheilsu.is

• Framför í lífsgæðum – vefsvæði, sem byggir upp andlega, félagslega og líkamlega heilsu og stuðlar að heilsuforvörnum fyrir karlmenn yfir fimmtugt www.framforilifsgaedum.is

• Fjáröflun fyrir verkefnum – Blái trefillinn / styrktarvinir / styrkir

• Fyrirlestrar

• Veftímarit – Hellisbúi.is þar komið er á framfæri alls konar fróðleik og sögum.